الماتىدا ۇيىمداستىرىلعان وسى شاراعا مامبەت قويگەلديەۆ, ءۋاليحان قاليجان, تالاس وماربەكوۆ, حانكەلدى ءابجانوۆ, امانجول قالىش, فاكيا شامشيدينوۆا, دوسالى سالقىنبەك, سۆەتلانا سماعۇلوۆا, اسىلبەك مەيىرمانوۆ, نۇرلان اتىعاەۆ جانە تاعى باسقا وتاندىق مامان عالىمدار-تاريحشىلار, ەتنولوگتەر, شىعىستانۋشىلار, مۇراعاتتانۋشىلار, فيلوسوفتار, مادەنيەتتانۋشىلار, الەۋمەتتانۋشىلار, ساياساتتانۋشىلار, دەموگرافتار جانە ءبىلىم الۋشى جاستار قاتىسىپ, جوعارىدا ايتىلعان تاقىرىپتا بايانداما جاسادى.
قىرعىزستاننان ارنايى كەلگەن ق.قاراساەۆ اتىنداعى بىشكەك گۋمانيتارلىق ۋنيۆەرسيتەتىنىڭ پروفەسسورى, تاريح عىلىمدارىنىڭ دوكتورى دوولوتبەك ساپاراليەۆ قازاقستاندا جۇزەگە اسىپ جاتقان وسى باعدارلامانىڭ قۇندىلىعى جايىندا ايتا كەلە, وسى باعىتتا قىرعىزستاندا اتقارىلىپ جاتقان يگى ءىس-شارالار جونىندە كەڭىنەن اڭگىمە قوزعادى.
سونىمەن قاتار وسى كونفەرەنتسيادا ەلباسى ن.ءا. نازارباەۆتىڭ قوعامدىق سانانى جاڭعىرتۋعا باعىتتالعان «رۋحاني جاڭعىرۋ» جانە «تۋعان جەر» باعدارلاماسىنداعى نەگىزگى ماسەلەلەردىڭ جۇزەگە اسىرىلۋ بارىسى تالقىلاندى. كونفەرەنتسيا جۇمىسى «جەر – اگرارلىق ەكونوميكا نەگىزى», «اقىلدى تەحنولوگيا جانە اگرارلى-ونەركاسىپتىك كەشەن», «ادام جانە جەر», «تابيعات جانە تاريح: ءوزارا ارەكەتتەسۋ جانە كەلەشەگى» اتتى باعىتتار بويىنشا ۇيىمداستىرىلدى.
عالىم سۇلەيمەن,
«ەگەمەن قازاقستان»
الماتى
